Онч үгс: Ном

Ном

Ном гэж юу вэ?

§§§

Ном миний шашин, номын сан миний сүм хийд.

Жан Поль Сартр

§§§

       Ном надад хаан ширээнээс ч илүү үнэтэй

  У.Шекспир

§§§

      ХХI зуунд хамгийн том бэлэг ном гэж байгаа. Хуучин зуунд алт мөнгө байсан. 

Л.Түдэв

§§§

Ном бол толь. Түүн рүү сармагчин шагайлаа гэхэд, өөдөөс нь яавч гэгээн хутагтын дүр тодрохгүй.

Лихтенберг

§§§

Ном бол цаг эрин гэгч давалгааг дамжин үеэс үед уламжлан хүргэх эрдэнийн ачаа тээсэн оюун ухааны хөлөг онгоц мөн.

Ф.Бэкон

§§§

Номын утга нь тэнгэр мэт агуу, дэлхий мэт өргөн, далай мэт гүн. Номыг унших нь тэнгэрт нисэж, дэлхий тойрч, далайд хөвөх мэт...

Ц. Дамдинсүрэн

§§§

Ном бол унших, бодох хоёр ухааны дасгал юм.

О.Марден

§§§

Ухааныг бусдын ухаанаар билүүдэх их ашигтай. 

М.Монтень

§§§

Ном бол ухааны билүү.

Бидний ном унших уламжлал

§§§

Өөрсдөөн даалимба хөдөс өмсдөг    

Үр ачаан нэхийд өлгийддөг

Номыг харин торгоор баринтаглаж бурхныхаа дээр залдаг

Монгол түмний минь заншил гайхамшиг!

                                                       Т.Галсан “Жирмийн сүлжээ”

§§§

Монголчууд бид түүхийнхээ туршид уншиж сураагүй, тийм заншил суугаагүй түмэн. Тангад үсгийн ганц хоёр ном авч авдрандаа хийгээд мартчихдагаа ном соёл хүндэлдэг гэж хөөрцгөөнө. Ном сугавчлах бүү хэл, сонин гартаа барьсан хүн гудамжинд харагддаггүй ганц хот гэвэл дэлхий дахинд манай нийслэл байж халаах тун магад. 

Ч.Эрдэнэ

§§§

    ... Ер нь монголчууд ном уншдаггүй болсон байна. Унших ном ч байхгvй.  Энэ үнэхээр соёлын хямрал. Мэдлэг нь өөрөө олж авсан биш, дандаа бусдаас л дуулсан зүйл байдаг. Ижилхэн санаа бодолтой, нэг түвшний хvмvvс цуглаж ярилцлаа ч хөгжиж дэвжихэд ямар ч нэмэргvй. Телевиз, радио, хэвлэл нь гэхэд бас л ижилхэн ухаантай, ижилхэн түвшний хvмvvс бичиж, ярьж, нэвтрvvлж байгаа учраас ялгаагvй, түрүүчийн л цуглаад ярьсны vргэлжлэл.   Монголчууд сайн сураагүй гэж хэлүүлсэн хэрнээ, бас өөрөө түүнийгээ мэдэж байгаа хэрнээ бодож санах юмгvй яваад л байдаг.  Монголчуудыг харахаар юмыг зөвхөн хэлбэрдээд л, агуулгыг нь орхисон шиг бодогдож, санаа зовоох юм.

Кимүра Аяако, Тархины тураал

Номын ач тус

§§§

Номын үнэ цэнэ өгсөн өгөөжөөрөө  үнэлэгддэг.

Жэймс Брис

§§§

Номыг дагавал харанхуй өрөөнд бамбар асааж орсон хүнтэй адил буюу. Түнэр харанхуй сарнин замхарч эргэн тойрон гэрэл гэгээ түгнэ.

Бурхан багшийн сургаал

§§§

Сайн ном үнээсээ хэдэн зуу дахин илүү ашиг өгдөг.

Г.Аюурзана

§§§

      Аль ч газрын чинээлэг, сайн сайхан ажиллаж, амьдарч яваа хүмүүс өөрийн номын сантай байдгийг та ер нь анзаарсан уу. Тэр хүмүүс баян учраас тийм олон ном худалдан авсан байх уу? Эсвэл урьд нь ийм олон ном уншсан учраас баян болсон юм болов уу?

Бодо Шефер "Санхүүгийн эрх чөлөөнд хүрэх зам" 

§§§

Өндөр ууланд шат  шүү ном тань
Өргөн далайд сал шүү ном тань
Харанхуй мунхагт зул шүү ном тань
Харгуй замд газарч шүү ном тань
Бөглүү замд хүнс шүү ном тань
Бүгд газар хөтөч шүү ном тань
Ядрахын цагт үл орхих янаг шүү ном тань
Ямар ч үед хулгайд үл автах эрдэнэ шүү ном тань

“Элдэв сургаал оршивой”

§§§

Сайн номыг унших нь саруул ухаант хүнтэй ярилцахын адил

Л. Н. Толстой

Номоор хөгжихүй

§§§

Ухаан муутын гэрт ном сударгүй
Унхиа муутын хотонд өвс хужиргүй

§§§

            Унших бол мэдээлэл олж авах, сэтгэх, бусдаас суралцах, ухаантантай хөөрөлдөх хамгийн шилдэг арга хэрэгсэл мөн.

§§§

           Миний бусдад өгөх хамгийн богино зөвлөгөө – УНШ.

Ц.Элбэгдорж

§§§

Уншихаа боливол сэтгэхээ болино. Сэтгэхээ байвал хөгжил зогсоно.

Д. Дидро

Ном уншихуй

§§§

Уншиж чаддаг байна гэдэг бага хэрэг. Чухамхүү юуг яаж унших,  уншсанаа хэрхэн ойлгох вэ гэдэг нь чухал юм.

К.Д.Ушинский

§§§

Уншина гэдэг бол бусдын толгойгоор бодохын нэр.

Шопенхауэр

§§§

Ном уншихдаа ойлгох л хэрэгтэй. Түүн дээр нэмж цээжлэх хэрэг юун.

Ван Янмин

§§§

Уншина гэдэг бол бусдын толгойгоор бодохын нэр.

Шопенхауэр

§§§

Бодохгүй унших нь зажлахгүй залгихтай адил.

Э. Борк

§§§

Хүн номыг нүдээрээ залгиж, тархиараа зажилдаг.

Б.Лхагвасүрэн

Ном сонгохуй

§§§

Та нар ном унш гэхээр юу таарснаа уншаад байх юм.

Та нарын тархи хогийн сав юм уу? 

Ч.Билигсайхан

§§§

Жинхэнэ зохиолч гэдэг чинь өвс зулгаан хивж явдаг үхэр биш, өвс идсэн үхрийг барьж иддэг бар.

Ф.Достоевский

§§§

Зөвхөн үнэнхүү сайн номыг л уншваас зохино. Өөрийн ухааныг ямар ч сонголтгүй элдэв янзын номоор бордоно гэдэг оюуныхаа хүчийг нэмэхгүйгээр үл барам бүр балалж хаяна гэсэн үг.

Франческо Петрарка

§§§

Олон номтой байна гэдэг чухал биш, харин сайн номтой байх нь чухал.  

Сенека

§§§

Сайн ном нууцаа нэг уншилтаар дэлгэдэггүй.

Стивен Кинг

§§§

Уран зохиолоос хамгийн сор шилдгүүдийг нь л унших хэрэгтэй. Аахар шаахар зүйлс дахин дахин уншиж насан туршдаа бэлтгэл ангид суух хэрэггүй. Нэн түрүүнд сонгодог зохиолуудыг унш. Тэгэхгүй бол хожим нөхөн уншиж амжихгүй.

Хенри Хюго